,,Ако сакаш да го промениш светот почни сам да се менуваш,, Народна мудрост

Ние, луѓето на денешнината сме постојано во некое брзање. Брзаме на работно место, брзаме дома, на состанок, да се сретнеме со пријатели, да ги пречекаме децата…

Итаме од една задача на друга за да исполниме обврски кои ни го одземаат и минималното време за одмор, така цедејќи ги последните атоми на животна снага. Навечер многумина потполно исцрпени се свртуваат кон средства за смирување и таблети. Така завршува тековниот ден, за да мамурни повторно следниот ден се влезе во истиот круг.

Деновите минуваат, животот протекува без чувство на радост и спокој. Некој друг, партнерот, шефот или децата се изворот на нашиот немир, стрес и изгубена самодоверба. Брзаме а никако да стигнеме до целта. Одиме на одмор а се враќаме многу повеќе уморни и вознемирени. Го возиме новиот автомобил што до вчера го сонувавме а веќе размислуваме за нов. И така секој ден. Брзање, сонување со отворени очи, постојано мечтаејќи и многу тешко да се доживее барем еден миг на радост, спокој и среќа. Никако за миг да подзапреме, да се земе малку здив. Кога секој од нас, лично ќе се избори за сопствен момент кои би го посветиле само на себе, тогаш ни се отвораат нови хоризонти во нашите животи. Само од тогаш ќе го живееме вистински и во потполност сопствениот живот. За разлика од многумина, ние јогините и бројните практиканти на јогата знаеме да подзапреме меѓу две обврски и да се релаксираме. Со јогата повторно го витализираме сопственото тело, ги полниме спиритуалните батерии и ја враќаме вербата во себе и убавината на животот сега и во овој простор.

Се има свој почеток. Момент на раѓање од каде почнува постоењето. Ако сакаме да направиме вистинска, квалитетна и позитивна промена, нужно треба да почнеме од почетокот. Тој почеток независно колку години имаме: дали сме млади, возрасни или во мудра и длабока старост, без разлика на нашата здраствена состојба неминовно води и започнува со јогата за почетници. Преку јогата за почетници како базичен курс од перфект јогата се исцртува и гради основата, темелот врз кои се надоградуваат преку редовната јога пракса, нови позитивни искуства и духовни совети, која ќе не ослободат од стегите на болката, страдањата и ќе ни го исполнат нашето секојдневие со здравје, верба и среќа.

Така, постепено стануваме вистински играчи во играта наречена живот. И нема да бидеме топка заборавена на теренот или шутната по нечија желба. А ние како вистински домаќини ќе знаеме правилно да го користиме сопственото тело, здив и свест за да со праксата на јогата внесеме во себе мудрост која ќе ни го исполни нашето катадневие со вистинско доброчинителство. Јогата, а особено јогата за почетници е онаа алка која недостасува за да во целост се поврзе активниот и духовниот сегмент во животот на човекот. Нашата среќа, нашето здравје исцело ќе бидат и се во наши раце. Така јогата за почетници ги корне лошите животни навики, градејќи методи за виталност, здрав, среќен и духовно богат живот.

,,Човекот е таков, каков што е неговиот ум,, Јога мудрост

Редовната јога пракса ствара нови и здрави навики.

Се прифаќање на јогата и редовното вежбање во определен дневен или периодично – неделен ритам, во секојдневието на новите јога практиканити се зацвстрстуваат определени техники на отпуштање, прецизно селектирани телесни вежби и положби – асани, почетно елементарни техники на дишење – пранајама, во комбинација со енергетски и техники на прочистување – крија и банди, за да на крајот започне процесот на самоспознанието со техниките на медитација. Преку јога праксата секој стекнува лични искуства со кои се зацврстува сопствената здрава психофизичка состојба како редовен и дисциплиниран практикант на јогата. Таа е основа за добро здравје и позитивна енергија. Редовните јога вежби го подобруваат тонусот на организмот, општата ефикасност во функционирање на телото. Тоа се стекнува со постојана пракса на асани – телесни вежби и положби.

Тие го подобруваат и хармонизираат правилното функционирање на различните органи и системи во човековото тело. Така, постепено човекот станува свесен за нивното функционирање, особено почнува да ја сваќа природата на болката, искуствено стекнува способност да ја надмине и да ја замени со константно здравје кое му носи решителност и одлучност во своите постапки и дејствија. Преку праксата на телесни вежби и положби – асани, практикантот стекнува навика за себепосматрање. Асаните го развиваат и продлабочуваат чувството за рамнотежа и движење во просторот. Секој од нас порано или покасно во животот ја увидува потребатата од правилно држење на ‘рбетот. Тоа е основа за здрав, исправен и правилно функционален ‘рбет. Несомнено ова бара да се има правилен и целосен однос кон сопственото тело, дишење… И оваа позитивна навика се ствара само со јога. Тогаш започнуваат да се следат промените во сопственото тело и потполно се станува свесен за него.

Практицирањето на телесните вежби ги изоштруваат сетилата, благотворно делуваат на сите мускули, зглобови, се прочистува кожата, се поттикнува работата на нервниот систем.. И на бројните физиолошки процеси во организмот. Практикантот ја соединува секоја положба на телото – асана со соодветно дишење при што ствара цврста кохезија меѓу нив. Така телото, здивот и умот се интегрираат во една целина, градејќи слободно битие исполнето со радост. Емоционалната стабилност се зацвстува и таа позитивно делува во отстранувањето на негативните емоции. Нужно со редовната јога пракса се развиваат бројни позитивни својства: зголемена концетрација, енергичност, одлучност, систематичност, стрпливост , смиреност, упорност, внимателност… . Јогата за почетници нуди методи со кои може да биде разбрана и совладана секоја состојба на практиканотот без разлика дали е стар или млад, дали започнува со јога пракса како здрава или болна личност. Тој со сигурност сојогата гради здрава врска меѓу телото и умот.